News

Menzli Sport Ski CUP 2024 - Cross

Jan 22, 2024

Era uonn han ils affons dil Club da Skis Sedrun puspei priu part al Menzli Sport Ski CUP. La cuorsa da cross ha giu liug dumengia vargada, ils 21 da schaner a Vuorz.

Il Club da Skis Sedrun ha buc mo priu part culla gruppa da cuorsa, mobein era enqualin dalla gruppa da plausch ein separticipai. En tut havein nus astgau haver il plascher d’accumpigar 24 affons duront l’occurenza.

La cuorsa da cross cun pliras stortas inclinadas, ina schanza e schizun ina storta da 360° cun tunnel, han nossas atlettas e nos atlets dumignau cun bravur. Per lur bunas prestaziuns ha mintg’affon astgau eleger in bi premi digl organisatur Menzli Sport. Flavia Solèr ha leutier astgau prender a casa la medaglia d’aur.

Dapli fotas sut:

https://menzlisportcup2024.clubdaskis-sedrun.ch/

Gliesta da rangaziun:

SST Mini CUP 1 + 2 - Combi Race

Jan 21, 2024

Ils 20 da schaner han ils pigns dalla gruppa da cuorsa astgau prender part alla cuorsa da cross (Combi Race) a Mustér. Nos pigns participonts Leon Berther, Iouri Loretz, Yann Milesi, Tim Schürer, Bigna Widmer, Nils Wuillemin ed Emil e Finn Bergaplass han astgau concuorer alla cuorsa cun fetg bunas cundiziuns. Leon Berther ha contonschiu il bien 6avel plaz ella secunda cuorsa.

Als curriders ina cordiala gratulaziun!

Cuorsa dil Club da Skis Sedrun 2023

Mar 24, 2023

La sonda vargada havein nus astgau passentar ina bellezia cuorsa da skis alpin e nordic per grond e pign. La cuorsa dad alpin havein nus menau atras sil Cuolm Val e la cuorsa da nordic el contuorn da Milez. Ils curriders e las curridras han astgau mussar lur inschign sils skis dad alpin e nordic. La rangaziun havein nus astgau menar atras el BigT cun petta e massa bials premis.

Ina cordiala gratulaziun a tut ils curriders e curridras!

Nus engraziain a tut ils gidonters e trenaders. In grond engraziel fetg allas pendicularas SkiArena Andermatt-Sedrun per la grondiusa lavur da preparar e da metter a disposiziun las pistas. Era als possessurs dil BigT in cordial engraziament per astgar duvrar la localitad fetg emperneivla.

Fotos dalla cuorsa anflas Ti sut quella pagina:

Fotos Cuorsa dil Club 2023

Las gliestas da rangaziun anflas Ti cheusut:

Alpin:

Gliesta da rangaziun Cuorsa dil Club Alpin

Nordic:

Gliesta da rangaziun Cuorsa dil Club Nordic