Menzli Sport Cup Skicross

Ils 22.01.2023, haveva la cuorsa da Menzli Sport Cup Skicross giu liug a Vuorz, ina dallas meglieras cuorsas per la gruppa da cuorsa e da plausch Il Club da Skis Sedrun ha accumpignau 22 affons, aschi biars sco onns buca pli.

Las freidas temperaturas han buca reteniu ils atlets da dumegniar atras il cuors cun pliras "Steilwandkurvas" ed ina rundella da 360° cun tunnel.

Alla fin ha mintga participont astgau encurir ora in cool premi digl organisatur Menzli Sport.

Las gliestas da rangaziun anflas Ti cheu:

https://www.menzlisport.ch/wp-content/uploads/2023/01/Menzli-Sport-Rangliste-1.pdf

Pli bia fotis anflas Ti cheu:

https://www.clubdaskis-sedrun.ch/menzli-sport-cup-skicross

Cla-Ursin Nufer ei campiun svizzer

Cla-Ursin Nufer ha priu part tier l'emprema part dils campiunadis svizzers da nordic ad Ulrichen en il cantun Valais. Ella categoria dils umens ha el gudegnau il tetel da campiun svizzer en la disciplina persecuziun da 15 km. Avon eis el vegnius sin il 3. plaz en skating partenza individuala.

Aschia astga Cla-Ursin prender part al campiunadi mundial a Whistler, Canada, ils 27. da schaner entochen ils 5. da fevrer.

Il Club da Skis Sedrun gratulescha sin quella prestaziun e giavischa bia success per il campiunadi mundial a Whistler, Canada!

Nova presidenta per il Club da Skis Sedrun

Suenter 8 onns sco president ed en tut 14 onns s'engaschar per il Club da Skis Sedrun seretila Aldo Berther da siu post. Nus engraziein ad el per sia lavur ed engaschi per il club.

Dina Pally, ch'ei gia dapi entgins onns trenadra, surpren il post dalla presidenta. Nus engraziein era ad ella per star a disposiziun e gratulein silla elecziun.