Cuorsa dil Club da Skis Sedrun 2023

Il Club da Skis Sedrun organisescha sco mintg'onn la Cuorsa dil Club en las disciplinas alpin e nordic per pign e grond. La cuorsa ha liug ils 18 da mars per omisduas disciplinas. Previu ei per la cuorsa alpina in slalom gigant sil Cuolm Val (midadas resalvau: vegn communicau cheu sin la pagina d'internet).

Era la cuorsa nordica vegn ad haver liug uonn si Milez en fuorma d'in parcour.

En omisduas disciplinas vegnan la spertezia sco era la differenza valetadas. Leutier ha mintg'in la schanza da gudignar in bi premi ord la tombola.

As Ti interess da prender part alla cuorsa alpina ni/e nordic?

Lu s'annunzia Tei sut info@clubdaskis-sedrun.ch ni direct tier nies trenader d'alpin Fabio.

Nus selegrein sin Tia participaziun!⛷️

❄️❄️❄️

Niev dress per ils nordics

Uonn han ils nordics survegniu in niev dress da trenament. Senza nos grondius sponsurs da nordic fuss quei buca stau pusseivel: Intersport Curschellas, Loretz SA, Energia Alpina e Conversa.gr. In grond engraziament als sponsurs!

Silla foti mauncan: André Schmid (conversa.gr), Roc Schmid (JO), Jon-Fadri Nufer (SST Surselva) e Cla-Ursin Nufer (C-Cader U23 Swiss Ski))

La Diagonela - Nordic 21.01.2023

Jon-Fadri Nufer ha priu part alla cuorsa classica 30 km «La Pacifica» ell’Engiadina. Cheu ha el contonschiu il 5. plaz Overall e daventa aschia sil 2. plaz en sia categoria U20.

Monika Bearth ha medemamein priu part alla cuorsa classica 30 km «La Pacifica» ed ha contonschiu igl 8. plaz Overall, aschia sil 2. plaz en sia categoria U50.

Cordiala gratulaziun als curriders Jon-Fadri e Monika!

La_Diagonela_2023.pdf

Download PDF • 193KB