Di da Sport dil SST 2023

Ils 20. d’uost han ils affons dil Club da Skis Sedrun astgau prender part al di da sport ch’ei vegnius organisaus dil SST. D’ina vart ein las atletas ed ils atlets separticipai tier quater disciplinas da concurrenza individuala, sco per exempel sprint ni percuors. Da l’autra vart ha ei era dau quater disciplinas da team, nua ch’els stuevan sligiar in pensum ensemen. Malgrad las aultas temperaturas han ils affons giu grond plascher e mussau bunas prestaziuns.

Engrazia fetg al SST per l'organisaziun ed als affons per prender part!

Cuorsa dil Club da Skis Sedrun 2023

La sonda vargada havein nus astgau passentar ina bellezia cuorsa da skis alpin e nordic per grond e pign. La cuorsa dad alpin havein nus menau atras sil Cuolm Val e la cuorsa da nordic el contuorn da Milez. Ils curriders e las curridras han astgau mussar lur inschign sils skis dad alpin e nordic. La rangaziun havein nus astgau menar atras el BigT cun petta e massa bials premis.

Ina cordiala gratulaziun a tut ils curriders e curridras!

Nus engraziain a tut ils gidonters e trenaders. In grond engraziel fetg allas pendicularas SkiArena Andermatt-Sedrun per la grondiusa lavur da preparar e da metter a disposiziun las pistas. Era als possessurs dil BigT in cordial engraziament per astgar duvrar la localitad fetg emperneivla.

Fotos dalla cuorsa anflas Ti sut quella pagina:

Fotos Cuorsa dil Club 2023

Las gliestas da rangaziun anflas Ti cheusut:

Alpin:

Gliesta da rangaziun Cuorsa dil Club Alpin

Rangliste_cuorsadilclub2023_alpin.pdf

Download PDF • 140KB

Nordic:

Gliesta da rangaziun Cuorsa dil Club Nordic

Rangliste_cuorsadilclub2023_nordic.pdf

Download PDF • 99KB

Cuorsa dil Club da Skis Sedrun 2023

Il Club da Skis Sedrun organisescha sco mintg'onn la Cuorsa dil Club en las disciplinas alpin e nordic per pign e grond. La cuorsa ha liug ils 18 da mars per omisduas disciplinas. Previu ei per la cuorsa alpina in slalom gigant sil Cuolm Val (midadas resalvau: vegn communicau cheu sin la pagina d'internet).

Era la cuorsa nordica vegn ad haver liug uonn si Milez en fuorma d'in parcour.

En omisduas disciplinas vegnan la spertezia sco era la differenza valetadas. Leutier ha mintg'in la schanza da gudignar in bi premi ord la tombola.

As Ti interess da prender part alla cuorsa alpina ni/e nordic?

Lu s'annunzia Tei sut info@clubdaskis-sedrun.ch ni direct tier nies trenader d'alpin Fabio.

Nus selegrein sin Tia participaziun!⛷️

❄️❄️❄️