Menzli Sport Cup Skicross

Ils 22.01.2023, haveva la cuorsa da Menzli Sport Cup Skicross giu liug a Vuorz, ina dallas meglieras cuorsas per la gruppa da cuorsa e da plausch Il Club da Skis Sedrun ha accumpignau 22 affons, aschi biars sco onns buca pli.

Las freidas temperaturas han buca reteniu ils atlets da dumegniar atras il cuors cun pliras "Steilwandkurvas" ed ina rundella da 360° cun tunnel.

Alla fin ha mintga participont astgau encurir ora in cool premi digl organisatur Menzli Sport.

Las gliestas da rangaziun anflas Ti cheu:

https://www.menzlisport.ch/wp-content/uploads/2023/01/Menzli-Sport-Rangliste-1.pdf

Pli bia fotis anflas Ti cheu:

https://www.clubdaskis-sedrun.ch/menzli-sport-cup-skicross

Nova presidenta per il Club da Skis Sedrun

Suenter 8 onns sco president ed en tut 14 onns s'engaschar per il Club da Skis Sedrun seretila Aldo Berther da siu post. Nus engraziein ad el per sia lavur ed engaschi per il club.

Dina Pally, ch'ei gia dapi entgins onns trenadra, surpren il post dalla presidenta. Nus engraziein era ad ella per star a disposiziun e gratulein silla elecziun.

Trenaments specials

Uonn lein nus porscher als affons el trenament da condiziun aschi numnei trenaments specials. Quels vegnan mintga ga menai atras cun omisduas gruppas da OG, alpin e nordic. Aschia lein nus porscher trenaments cun pli bia variaziun.

Ils trenaments specials han liug als suandonts datums (midadas ein resalvadas):

• Mesjamna, 31.08.2022

• Venderdis, 16.09.2022

• Mesjamna, 28.09.2022

• Venderdis, 28.10.2022

• Mesjamna, 09.11.2022

• Venderdis, 25.11.2022

Las uras ein medem, sco ils normals trenaments: 18:00 - 19:30.

Informaziunns pertucont ils trenaments specials vegnin nus a termetter els chats ordavon.

Nus sperein ch'ils trenaments specials vegnan a plascher a vus!